ViuTV電視劇集《大叔的愛》播出後大受歡迎，引起全城熱話。有港男指，自己與男友拍拖兩年，一直不敢公開關係，更遑論與家人坦白；直至近日該劇集播出，他有感不少人都對同性戀改觀，加上父母亦追看得十分投入，故趁機向家人「出櫃」，結果竟意想不到！
該名港男上周六（17日）在網上討論區「Dcard」上，以「20210716 正式出櫃 多謝大叔的愛」為題發文，指自己原本跟《大叔的愛》的主角「阿田」一樣，以為自己喜歡女性，當後來發現自己喜歡男生時，他坦言感到非常無助及不知所措，亦非常介意別人的目光，「一直以嚟都唔敢同身邊朋友公開呢段關係，更加唔敢同屋企人坦白，默默承受種種嘅壓力」。
男向父母公開與男友的戀情，結果意想不到。《大叔的愛》劇照
樓主憶述，當父母看見他「拎起咗同男朋友十指緊扣隻手」時均一臉驚恐，但隨後竟露出「老懷安慰嘅慈祥」模樣，令他感到非常意外，「佢哋竟然冇鬧我，反而仲問我：『咁你係田田定阿牧？』、『你哋邊個表白先？』、『邊個係女朋友？』」
樓主事後感到豁然開朗，認為《大叔的愛》對他向父母公開戀情一事，有推波助瀾之效，更興奮表示終可與男友結束「地下情」，並光明正大地牽手行街，以及隨時帶對方回家吃飯，又感謝男友一直以來的體諒。最後，樓主表示希望透過分享自己的經歷鼓勵其他男同志，「我知道現實中好多Gay couple（男同志）唔會好似套戲同埋我咁，咁好彩可以受到屋企人嘅祝福，但我知道香港人慢慢接受緊呢件事，你哋要堅持落去，希望你哋都得到祝福！」
《大叔的愛》劇照
不少網民看完帖文後，都替樓主感到高興，並送上祝福，亦有人同意《大叔的愛》的確改變了不少人對同性戀的看法，「我身邊都有個gay friend（男同志朋友），佢話之前阿爸阿媽係好反對，但睇完《大叔的愛》開始關心佢同男朋友嘅感情」、「祝福樓主！能彼此相愛係得來不易，你哋要幸福落去」。
不過亦有網民表示，反而因為看到家人觀看該電視劇時的反應，而不敢「出櫃」，「我屋企人睇完反而好大反應，鬧返我轉頭做乜睇呢啲，甚至話係唔啱嘅，佢哋搞到我更加唔敢出櫃」、「我反而見到屋企人睇完大叔的愛唔敢出櫃，佢哋好鐘意睇，但係佢笑住講咗一句『一間公司點會有4個基佬咁多』，跟住我就諗諗下就算了」。
資料來源：「Dcard」
Tag cloud:
好工推介
職場熱話
- 1
- 2
-
IFF在港發表全球人工智能競爭力報告 金發局：港AI人才競爭力顯著
TOP 1 -
社會福利署招聘二級社會保障主任 月薪2.6萬至6.1萬
TOP 2 -
被裁後寄出數百份CV零回音 打工仔自降身價四成搏機會 最終獲高出一成人工offer！
TOP 3 -
而家啲00後唔肯OT、易辭職？年輕人反擊：「返工為生計，放工先係人生」
TOP 4 -
頻頻錯失大好機會？你可能誤信咗呢啲「過時職場迷思」！
TOP 5
-
港大報告：僱主最看重大學畢業生工作態度 語言能力重視程度下降 相信與AI興起有關
TOP 6 -
日日行路可賺保費或里數 盤點7間公司優惠 一間毋須投保也有獎賞
TOP 7 -
牙醫由鐵飯碗變鐵棺材 畢業生大呻：「讀全港最難入嘅科 但過住連洗潔精都買唔起嘅人生」
TOP 8 -
民政事務總署招聘行政助理 月薪$28,725
TOP 9 -
青年就業困難 學者警示隱形失業群體規模擴大
TOP 10
-
高敏特質共情能力太高 對細微變化敏銳 壓力容易爆煲 點樣應對職場壓力？
TOP 11 -
求職者彈出又彈入 力搲工作機會後又拒絕Offer 前後拉鋸2年 最終被納入黑名單
TOP 12 -
面對AI浪潮 職場新鮮人點先可以提高競爭力？
TOP 13 -
十號風球下快餐店成戰場 經理情緒失控 員工連踩11小時近崩潰
TOP 14 -
職場新詞「安靜崩裂」 即使努力工作 內心卻早已疲憊不堪
TOP 15
-
Netflix首用生成式AI製作影集 製作速度快10倍 有效降特效成本
TOP 16 -
全球裁員潮 員工最容易有職場倖存者症候群 六成人感到過勞 七成人工作動力明顯下降
TOP 17 -
環聯：Z世代收入增加比例最明顯 39％消費者削非必要支出
TOP 18 -
日本興起出租阿嫲 唔只做家務湊細路 仲可以陪談判分手
TOP 19 -
公共圖書館變「扮工」聚腳地？失業港人每日必到＋做3件事
TOP 20
